காத்திருக்கவும்
காத்திருக்கவும்

கருத்துக்கணிப்பு

பிறந்தநாள்

add your birhtday

கடைசி 15 கருத்துரைகள்

3 ந ,அஜரூபன் :
எம் தமிழ்.
2 anton மனோகரன்:
மரண அறிவித்தல்: கனகசபை லிங்கநாதன்.
1 anton மனோகரன்:
நிரந்தர கல்விக்கூடம் பண்மக்கள் இலவச கல்விக்கூடம்.
29 anton மனோகரன்:
மனிதரும் மன அழுத்தமும் - பம்பல்Kமனோ.
1 மனோகரன் :
அளவான அன்பு.
8 rajan:
கேள்விக்குறியாகும் டார்வினின் பரிணாமக்கொள்கை - சிரித்திரன்.
1 manoharan :
தவறுகளை என்னிடமே சொல்லிவிடுங்கள்.
1 manoharan:
தக்காளியில் ஊறுகாய்.
18 manoharan :
சிரித்து இரன் = சிரித்திரன் - பகுத்தறிவாளன்.
108 பாபு.:
தகவல் பண்கொம்.நெற்.
1 அற்புதன் :
மனிதனேயல்ல.
1 Gopal:
மரண அறிவித்தல்: குணசிங்கம் புஸ்பராசா.
1 வீரய்யன் :
உண்மையானவராக இரு.
21 selvaraju:
வேத கணிதம் என்பதற்காக ஒரு இணையத்தளம்.
3 நூர் முஹம்மத் :
ஆயுளை கூறும் ரத்த பரிசோதனை.

சகோதர இணையங்கள்


Facebook

விளம்பரங்கள்

செய்திகள்

கலாபவன் மணி கொலை.

பிரபல நடிகர் கலாபவன் மணியின் உடலில் நச்சுத்தன்மை வாய்ந்த மது கலந்திருந்தது ஆய்வில் உறுதி செய்யப்பட்டுள்ளது.   மலையாளம் மட்டுமின்றி தமிழிலும் முக்கிய நடிகர்களுள் ஒருவராக வலம் வந்தவர் நடிகர் கலாபவன் மணி (45). இவர் கடந்த மார்ச் மாதம் 6ம் திகதி திடீர் உடல் நலக்குறைவால் உயிரிழந்தார்.   அவரது உடலை பிரேத பரிசோதனை செய்த போது, அதில் பூச்சி கொல்லி , எத்தனால், மெத்தனால் வேதிபொருள் இருந்தது தெரிய வந்தது.   ஆனால் முன்னதாக அளவுக்கதிகமான மது அருந்தியதால் உடல் நலக்குறைவு ஏற்பட்டு அவர் உயிரிழந்ததாக கூறப்பட்டது. இதனால் அவரது மரணத்தில் சந்தேகம் ஏற்பட்டது.   இது தொடர்பாக அவரது சகோதரர் ராமகிருஷ்ணனும் புதிய சந்தேகங்களைக் கிளப்பினார். இதனால், கலாபவன் மணியின் உடல் உறுப்புகள் ஹைதராபாத் ஆய்வுக் கூடத்திலும் மீண்டும் ஆய்வு செய்யப்பட்டது.   தற்போது அந்த சோதனையின் முடிவுகள் வெளியாகியுள்ள நிலையில், கலாபவன் மணி உடலில் நச்சுத்தன்மை வாய்ந்த மது கலந்திருப்பது உறுதி செய்யப்பட்டுள்ளது.   இந்நிலையில் அவருக்கு மதுவில் விஷம் கலந்து கொடுத்தது யார் என பொலிசார் தீவிர விசாரணை நடத்தி வருகின்றனர்.

மேலும் படிக்கவும் மறுமொழி இல்லை சுதர்சன் 29-05-2016

இராணுவத்தை நீக்கும் வரை அழுத்தம் தொடரும்.

வடக்கில் தொடர்ந்தும் இராணுவ முகாம்கள் இருக்கும்வரை, சர்வதேசத்தின் அழுத்தமும் தொடர்ந்தவண்ணமே இருக்குமென்றும் வடக்கிலுள்ள மக்களுக்குச் சொந்தமான காணிகளை மீள கையளிக்காமல் தொடர்ந்தும் பிடித்து வைத்திருந்தால், எதிர்காலத்தில் மீண்டும் ஒரு யுத்தத்திற்கு முகங்கொடுக்க வேண்டிய நிலை ஏற்படலாமென ஜனாதிபதி மைத்திரிபால சிறிசேன தெரிவித்துள்ளார். இதற்காகவே தாம் காணிகளை கையளிக்குமாறு தொடர்ந்தும் வலியுறுத்தி வருவதாக ஜனாதிபதி மேலும் குறிப்பிட்டார். ஜீ7 மாநாட்டில் கலந்துகொள்வதற்காக ஜப்பான் சென்றுள்ள ஜனாதிபதி, அங்கு ஊடகமொன்றிற்கு வழங்கிய செவ்வியிலேயே இவ்விடயத்தை தெரிவித்துள்ளார். தாம் வடக்கிற்கு சென்றபோது அங்குள்ள கிணறுகள் கட்டப்பட்ட விதத்தைப் பார்த்து, அங்குள்ள மக்கள் எந்தளவு சிறப்பாக வாழ்ந்துள்ளனர் என்பதை புரிந்துகொண்டதாக குறிப்பிட்ட ஜனாதிபதி, அம் மக்கள் தமது மண்ணை மிகவும் நேசிப்பதாகவும், அவற்றை கையளிக்கவேண்டியது அவசியம் என்றும் குறிப்பிட்டார். அத்தோடு, அண்மையில் கையளிக்கப்பட்ட நடேஸ்வரா கல்லூரி பற்றியும் குறிப்பிட்ட ஜனாதிபதி, உண்மையில் யுத்தம் நிறைவடைந்த உடனேயே குறித்த பாடசாலை உள்ளிட்ட இடங்கள் கையளிக்கப்பட்டிருக்க வேண்டுமென சுட்டிக்காட்டினார்.

மேலும் படிக்கவும் மறுமொழி இல்லை சுதர்சன் 29-05-2016

மிளகு ஸ்ப்ரேயை சுவிஸ் பொலிசார் உபயோக்கிக்க தடை?

சுவிஸ் நகர பொலிசார் புதுவித இராட்சத மிளகு ஸ்பிரேவினை ஆர்ப்பாட்டக்காரர்களுக்கு எதிராக பயன்படுத்தியுள்ளது விமர்சனத்திற்கு உள்ளாகியுள்ளது.   சுவிஸில் ஆர்ப்பாட்டம் நடக்கையில், அவர்களை கட்டுப்படுத்த முடியவில்லையெனில் பொலிசார் மிளகு ஸ்பிரேவை பயன்படுத்துவார்கள்.   இதனை பொலிசார் தங்களது பெல்டில் மாட்டியிருப்பார்கள், அவசர ஊர்திகளிலும் இந்த ஸ்பிரே நிரப்பி வைக்கப்பட்டிருக்கும், ஒரு டாங்கியில் 2.5 லிட்டர் ஸ்பிரே சேமித்து வைக்கப்பட்டிருக்கும், இதன் விலை 15,800 பிராங்க் ஆகும்.   இந்நிலையில் சுவிஸ் நகர பொலிசார் இராட்சத மிளகு ஸ்பிரேவினை இந்த ஆண்டின் பிப்ரவரி மாதம் பயன்படுத்தியுள்ளனர், இந்த ஸ்பிரேவானது துருக்கியில் நடைபெற்ற குர்திஷ் ஆதரவு போராட்டக்காரர்களுக்கு எதிராக பயன்படுத்தப்பட்டது என்பது குறிப்பிடத்தக்கது.   இந்நிலையில் இந்த இராட்சத மிளகு ஸ்பிரேவை தடைசெய்ய வேண்டும் என பசுமைக் கட்சியின் கவுன்சிலர்களான Felix Moser மற்றும் Markus Knauss கூறியுள்ளனர்.   மிளகு ஸ்பிரேவினை குறைந்த அளவிலேயே அதுவும் மக்கள் இருக்கும் தூரத்தல் இருந்து கொஞ்சம் தொலைவிலேயே பயன்படுத்த வேண்டும், அப்படியிருக்கையில் இதுபோன்ற புதுரக ஸ்பிரேவை பயன்படுத்துவது மக்களுக்கு சுகாதார பிரச்சனைகளை ஏற்படுத்த வாய்ப்பிருக்கிறது, எனவே இந்த புதுரக ஸ்பிரேவினை தடைசெய்யவேண்டும் என கூறியுள்ளனர்.

மேலும் படிக்கவும் மறுமொழி இல்லை சுதர்சன் 29-05-2016

விநோதமான செய்திகள்

எம்மவர் ஆக்கங்கள்

பிள்ளைகள் வளர்ச்சியில் பெற்றோர் - மனுவேந்தன்.

பிள்ளைகளின் வளர்ச்சியில் பெற்றோரின் பங்களிப்பு தொடர்பாக எமது சமுதாயத்தைப் பற்றி அதிகம் அலட்டிக்கொள்ளத் தேவையில்லை என்றே நான் நான் என் இளமைக்காலம்,அதுவும் ஊரில் வாழ்ந்த காலம்  வரையில் எண்ணிக்கொண்டிருந்தேன்.ஏனெனில் எமது தமிழ்ப் பெற்றோர்கள் என்றும் தம் பிள்ளைகளின் உடல்,கல்வி சம்பந்தமான விடயங்களில் ஏனைய சமுதாயங்களை விட, மிகவும் என்பதனைவிட அதிகம் கவனம் செலுத்துபவர்களாக வாழும் பழக்கம் உடையவர்களாக காணப்படுகிறார்கள் என்பது பெருமைக்குரிய விடயம்தான்.   இருந்தாலும்,  அன்றும், இன்றும் [புலம்பெயர்ந்து வளர்ந்த நாடுகளில் வாழ்வோர்கூட]பிள்ளைகளின் சில விடயங்களில் பெற்றோரின் அளவுக்கு அதிக கவனங்கள், பிள்ளைகளின் வளர்ச்சிக்கு  தடங்கலாக நடந்து கொள்வது அவதானிக்கக் கூடிய ஒன்றாகவே இருக்கிறது.அவையாவன:   1.குழந்தைகள் பேச ஆரம்பித்தும்,அவர்கள் காணும் காட்சிகளினை  வைத்து கேட்கும் கேள்விகள் கொஞ்சம் துடுக்குத்தனமாகவே இருக்கும்.அதற்கு உங்கள் பதில் புத்திசாலித்தனமாகவும்,பிள்ளையின் அறிவினை வளர்க்கக் கூடியதாகவும் இருக்கவேண்டும்.   -ஆனால் எமது பெற்றோர்கள் என்ன கேள்வியிது என பிள்ளையின் வாயை மூடும் அளவிற்கு அதட்டி,உரப்பி அப்பிள்ளையின் வாய்க்கு  மட்டுமல்ல அப்பிள்ளையின் சுயசிந்தனை  வளர்ச்சிக்கும் சேர்த்துப்பூட்டுப் போட்டுவிடுகிறார்கள்.   2.வளர்ந்துவிட்ட தொழில்நுட்ப உலகில் பிள்ளைகளுக்கு தேவையான சாதனங்களைமட்டும் குறிப்பிட்ட காலத்திற் கொருதடவை வாங்கிக் கொடுங்கள்.   -ஆனால் எமது பெற்றோர் ஒரு ”game’புதிதாக வருகிறது எனில் பிள்ளை கேட்கமுதலே அதனை வாங்கிவந்து அதன் பொறுமையினை பூச்சியமாக்கிக் கொள்வர்.   3.பிள்ளைகளின் சுட்டித்தனங்களின்போது அவற்றினை பொறுத்துக்கொள்ள ப்பழகுங்கள்.   ஆனால் எமது பெற்றோர்கள் பிள்ளைகள் ஏறினாலும் ,குற்றம், இறங்கினாலும் குற்றம் கூறி பய உணர்வுகளையும்,கூச்ச உணர்வுகளையும் பிள்ளையிடம் வளர்த்துவிடுகிரார்கள்.   4.ஆரம்பக் கல்விக்காக ஆரம்பிக்கும் பிள்ளைகளுக்கான [அநேகமாக அருகில் அமைந்திருக்கும்]  பாடசாலைக்கு பிள்ளைகளை அழைத்துச் செல்லும்போது, பிள்ளைகளை சுதந்திரமாக நடந்துசெல்ல அனுமதியுங்கள். இங்கே பிள்ளைகள் நடந்து செல்கின்றபோழுது  பாதையில் சுய கவனத்தினை கற்றுக் கொள்ள முடிகிறது.   -ஆனால் எமது பெற்றோர்கள் பிள்ளைகளை ஒருகையில் கெட்டியாகப் பிடித்துக் கொண்டு குடுகுடு வென்று இழுத்துக்கொண்டு பாடசாலை செல்வதன் மூலம் பிள்ளைகளின் கவனக்குறைவுக்கு காரணமாகிறார்கள். 5.கல்விக்கான வீட்டு வேலைகளோ,அல்லது அவர்களுடைய அன்றாட கடமைகளிலும் தேவைக்கு அதிகமாகத் தலையிடுவதனை தவிர்ப்பதன் மூலம்  பிள்ளைகளினது பிரச்சைனகளுக்கான தீர்வை தானாக கண்டுபிடிக்கும்  அல்லது துணிந்து முடிவெடுக்கும் திறமையினை பிள்ளைகள் பெற்றுவிடுகிறார்கள்.   -ஆனால் எமது பெற்றோர்கள் பிள்ளைகளின் மேற்படி விடயங்களில் அதிக தலையீடுகளையே கொண்டுள்ளார்கள்.   6.ஆரம்பக் கல்விக் காலத்திலேயே அவர்களின் புத்தகப் பையையும் அவர்களே சுமந்துகொண்டு செல்லப் பழக விடுங்கள்.இதன்மூலம் பிள்ளைகளிடம் அவர்களுக்கென்றும் சில சொந்த சுமைகள் என்ற பொறுப்புணர்வு சிறுவயதினிலேயே உருவாக வழி கொடுங்கள்.   -ஆனால் எமது பெற்றோர்கள் மறுகையில் பிள்ளையின் புத்தகப்பையினை தாங்கிச் செல்வதன்மூலம்,பிள்ளைக்கு எல்லாக் காலத்திலும், எல்லாத்தேவைகளுக்கும் ஒரு எடுபிடி தேவை என்பதினை நெஞ்சில் விதைத்து விடுகிறார்கள்.இப்பழக்கம் பெற்றோரின் வயதுபோன காலத்திலும் பிள்ளையினால்  பேணப்படும்போது பெற்றோர் மனம்நோக வேண்டிவரும்.   7.பிள்ளைகள் பரீட்சையில் எடுக்கும் புள்ளிகள் குறித்து அவர்களைப் பாராட்டி இன்னும் முயற்சிபன்ணினால் அடுத்தமுறை இன்னும் கூடப் புள்ளிகள் எடுக்கலாம் எண்டு  ஊக்குவியுங்கள்.   -ஆனால் எமது பெற்றோர்கள் பரீட்சையில் பிள்ளை 99 எடுத்தாலும் ஏன் 100 எடுக்கவில்லை என்று கடிந்து பிள்ளைக்கு ஏமாற்றத்தினை வழங்குகிறார்கள்.   8 பல்கலைக்கழகம் நுழைவதற்கான கல்வி தெரிவு செய்யும் விடயத்தை பிள்ளையின் கையிலே விட்டுவிடுங்கள்.வளர்ந்த நாடுகளில் அதனைத் தெரிவுசெய்ய அவர்களுக்குதவியாக அவர்கள் கற்கும் பாடசாலையிலேயே இதற்கென வழிகாட்டி ஆசிரியர்கள் சேவைசெய்ய முழுமனதுடன் காத்திருக்கிறார்கள்.   -ஆனால்பிள்ளையின் கல்வி தெரிவுசெய்யும் களத்திலேயே  எமது பெற்றோர்கள் குதித்துடுவர்.அம்மா ‘டொக்டர்’ என அப்பா ‘என்ஜினியர் ‘என வீடே போர்க்களமாக, இனியும் படிக்கவேணுமோ என்றே  சிந்திக்குமளவுக்கு பிள்ளை நிலை வந்துவிடும்.   மேலும்,இங்கே நான் அவதானித்துள்ளேன்.பிள்ளைகள் தமிழ் வகுப்புக்களுக்கு காரில் அழைத்து வரும் பெற்றோர்கள் காரை அங்கு நிறுத்தியதும் இறங்கி ஓடிவந்து கதவைத்திறந்து ஒருகையினால்  பிள்ளையின் கையினைப்  பிடித்து இறக்கிக்கொண்டு,மறுகையினால் பிள்ளையின் புத்தகப் பையினை எடுத்துக் காவிக்கொண்டும் செல்வர்.   இச்செயலெல்லாம் ஏன்?   அத்துடன்,கடன்காரர்களாக புலம்பெயர்ந்து கால்பதித்த நாங்கள் வந்த காலத்திலிருந்து அடிப்படைவேதனத்தில் வேலைபார்த்து அக்கடனையும் கடந்து பிள்ளைகளின் கல்வியினையும் கடந்து வசதியுடன் வாழ்கிறோ மெனில்,இங்கேயே கல்விமுடித்து,எம்மைவிட அதிக வேதனத்தில் தொழில் செய்து வாழப்போகும் இப்பிள்ளைகள் எப்படிவாழமுடியும் என்பதனை நாம் குறிப்பிட்டுச் சொல்லத்தேவையில்லை.ஆனால் அன்றுபோல் இன்றும்  பல பெற்றோர்கள் பிள்ளைகளுக்கு சொத்துக்கள் சேர்ப்பதற்காக மிகவும் சிரமப்பட்டுஅடிப்படைவேதனத்தில் பல தொழில்கொண்டு வாங்கின வீட்டிலும் வாழாது அலைவது, பிள்ளைகள் மத்தியில் விசனத்தினையே ஏற்படுத்தி வருகிறது.இவ்விடத்திலும் பிள்ளைகளை சோம்பேறிகளாக்கவும்,அவர்களுக்கும் தமக்கும் இடையில் ஒரு இடைவெளியினை உருவாக்கவே  பெற்றோர்கள் சிரமப்பட்டுகொண்டு இருக்கிறார்கள் என்பதே உண்மை.   பிள்ளைகளின் அனைத்து திறமைகளும் ஒருங்கிணைந்த வளர்ச்சிக்கு பெற்றோர்கள் செய்யவேண்டியவை.   1.உற்சாகப்படுத்தல்.   2.தன்னம்பிக்கை ஊட்டுதல்.   3.பொறுமையை வளர்த்தல்.   4.பலவகை சூழல்களில் அவர்களை ஈடுபடச் செய்து தீர்வு காணல்.   5.அவர்களுடைய சுயமரியாதைக்கு.. மதிப்பளித்தல்.   6.அவர்களுடன் கலந்துரையாடல்.   7.நல்ல நண்பர்கள் தொடர்பாக பாராட்டுதல்.   8.திறமைகளுக்குப் பரிசளித்தல்.   9.அவர்களுக்குரிய செயல்களில் சுதந்திரமாகச் செயல்பட அனுமதித்தல்.என்பனவாம்.   பெற்றோரிடம் என்றும் பிள்ளைகளின்மேல்  உள்ள அன்பு அளவிடமுடியாததுதான்.அதற்காக தம் திறமைகளிலும் முயற்சியிலும் பிள்ளைகள் நொண்டியாக அந்த அன்பு காரணமாகிவிடக் கூடாது என்பதே இக்கட்டுரையின் நோக்கம். எண்ணம்:செல்லத்துரை,மனுவேந்தன்.     மனுவேந்தன் செல்லத்துரை - கனடா.  

மேலும் படிக்கவும் மறுமொழி இல்லை சுதர்சன் 11-11-2015

சமூகம்

கிரந்தியை தடுக்கும் வழிமுறைகள்.

கிரந்தி இருப்பவர்களுக்கு சில உணவுகள் ஆகாது. அலர்ஜி தரும் உணவுகளை கண்டுபிடிப்பது எப்படி, அவற்றில் இருந்து உங்களைப் பாதுகாத்துக்கொள்வது எப்படி?   அறிகுறிகள்   * உணவை வாயில் வைத்தவுடன் கூசும். முகச்சுளிப்பு கூட ஏற்படும். * சாப்பிட்ட பின் நாக்கில் வெடிப்பு ஏற்படலாம், உடலில் அரிப்பு, சிறு கொப்புளங்கள் தோன்றலாம். * குரல்வளையில் ஒருவித மாற்றங்களை உணரலாம். வாந்தி ஏற்படும். * அடிவயிற்று வலி வரலாம். மூச்சுவிடுவதில் தகராறு, பெருமூச்சு விடுதல், வயிற்றுப்போக்கு போன்ற பாதிப்புகள் ஏற்படலாம். * சில உணவுகள் சாப்பிட்ட ஒரு சில நிமிடங்களில் ஒத்துக்கொள்ளாமல் வேலையைக் காட்ட ஆரம்பித்து விடும். சில உணவுகள் 2 மணி நேரத்திற்குள்ளாக பின்விளைவை உண்டாக்கும். * பெற்றோருக்கு அலர்ஜி இருந்தால் குழந்தைக்கு அலர்ஜி ஏற்பட 75 சதவீதம் வாய்ப்பு உள்ளது. * அலர்ஜி ஏற்பட்டால் குடல், சுவாசம், தோல், ரத்தசெல்கள் ஆகியவற்றைப் பாதிக்கும். நோய்த்தடுப்பு மண்டலமும் அலர்ஜியால் பாதிப்புக்குள்ளாகலாம். * வேர்க்கடலை, பட்டாணிக்கடலை போன்ற பருப்பு வகைகள்தான் அதிக அலர்ஜியைத் தரக்கூடியவை. இவை இம்யுனோகுளோபின் என்ற ரசாயனத்தைச் சுரந்து நோய் எதிர்ப்பு மண்டலத்தைப் பாதிக்கச் செய்யும். * முட்டை, பால், வேர்க்கடலை, சோயா மொச்சை, கோதுமை, முந்திரி, பாதாம்பருப்பு, மீன், நத்தை வகை போன்ற 9 வகை உணவுப் பொருட்கள் 90 சதவீதம் அலர்ஜி ஏற்படுத்தும் உணவுகளாக நிபுணர்கள் பட்டியலிட்டு உள்ளார்கள். இவற்றில் வேர்க்கடலை, மீன், நத்தை, கொட்டை உணவு வகைகளில் அலர்ஜி ஏற்பட்டால் அது வாழ்நாள் முழுவதும் நீடித்திருக்கும். மற்ற உணவுகள் தற்காலிகமாக ஒவ்வாமையை ஏற்படுத்தும்.     தடுப்பது எப்படி?   *அலர்ஜியை தடுக்க சிறந்த வழி, அறிகுறிகளை அறிந்துகொண்டு அந்த வகை உணவுகளை உறுதியாகத் தவிர்த்து விடுவதுதான்.   * வெளியில் சாப்பிட வேண்டிய அவசியம் ஏற்பட்டால் புதிய உணவு வகைகளை சாப்பிட வேண்டாம். வறுக்கப்பட்ட உணவுகள், வேகவைக்காமல் மேற்புறம் மாவு சேர்க்கப்பட்ட உணவுகள், சுவையை அதிகப்படுத்தப் பயன்படும் சூப், குழம்புகள் ஆகியவற்றைத் தவிர்க்கவும். சாப்பிட்டபின் பழவகைகளை உண்ண வேண்டாம்.   * அலர்ஜி உடையவர்களுக்காக தனியாகத் தயாரிக்கப்படும் அலர்ஜியற்ற உணவு, உணவுப் பொருட்களை உண்ணலாம்.   * நண்பர்கள், விருந்தினர் வீடுகளில் விருந்தோம்பல் நிகழ்ச்சிகளில் கலந்து கொண்டால் உங்களுக்கான உணவில் தவிர்க்க வேண்டியவை பற்றி கூறிவிடுங்கள். நீங்களாகவே தயார் செய்து எடுத்துச் சென்ற குழம்பை பயன்படுத்துவதும் சிறந்த வழிமுறை தான்.   * பாலிதீன் பேப்பர் மற்றும் பிராணிகளின் ரோமம், தோலால் செய்யப்பட்ட பைகளில் உணவை பொட்டலம் கட்டிப் பயன்படுத்தக்கூடாது. அது ரசாயன மாற்றம் அடைந்து அலர்ஜியை ஏற்படுத்த வாய்ப்புள்ளது.

மேலும் படிக்கவும் மறுமொழி இல்லை சுதர்சன் 27-05-2016

சிறுவர்கள்

விவசாயியும், பாம்பும் நாரையும்.

ஒரு பாம்மை மக்கள் அடித்து விரட்டினார்கள், அது ஓரிடத்தில் பயந்து ஒளிந்திருந்தது. அந்தப் பக்கமாக ஒரு விவசாயி வந்தான் அவனிடம் ஐயா என்னைக் காப்பாற்றுங்கள் என்று கெஞ்சி மன்றாடியது. விவசாயியும் அதன் மீது இரக்கப்பட்டு தன் வயிற்றுக்குள் ஒளிந்து கொள் என்றான், அவன் குந்திக்கொள்ள பாம்பும் பின்புற வழியாக அவன் வயிற்றில் புகுந்து குடருக்குள் நுழைந்து வயிற்றுக்குள்ளே பத்திரமாக ஒளிந்து கொண்டது. கொஞ்சத் தூரம் சென்றதும் பாம்பே பத்திரமான இடத்திற்கு வந்துவிட்டோம் வெளியே வா என்றான் விவசாயி. இல்லை நான் வரமாட்டேன்.. இந்த இடம் கதகதப்பாக இருக்கிறது, நான் ஏன் வெளியே வரவேண்டும் என்று பாம்பு கேட்டது. வேறு வழியில்லாமல் வயிற்றுக்குள் பாம்பை சுமந்தபடியே சென்ற விவசாயி வழியில் ஒரு நாரையை கண்டு தன் துயர நிலையை சொன்னான். அதற்கு நாரை நீ முன்போலவே குந்தி நன்றாக முக்கு பாம்பு வெளியே வரும் நான் பிடித்துக் கொள்கிறேன் என்று சொன்னது. விவசாயியும் அப்படியே செய்தான் பாம்பு வெளியே தலையை நீட்டியது, அவ்வளவுதான் நாரை அதை வெளியே இழுத்து கொன்றது. அப்போது விவசாயிக்கு ஒரு கவலை பிறந்தது.. ஒரு வேளை பாம்பு குடலுக்குள் விஷத்தைக் கக்கியிருக்குமோ என்று பயந்தான். அவனுக்கு நாரை ஒரு யோசனை சொன்னது.. ஒரு நாளைக்கு ஒரு நாரைப்படி நான்கு நாட்களுக்கு நான்கு நாரைகளை பிடித்து சமைத்துச் சாப்பிடு விஷம் இருந்தால் அகன்றுவிடும் என்று வைத்தியம் கூறியது. அப்படியா இன்றே மருந்து சாப்பிட ஆரம்பிக்கிறேன் என் முதல் மருந்து நீதான் என்று நாரையைக் கழுத்தில் பிடித்துக் கொண்டான் விவசாயி. நாரையை வீடு கொண்டு சென்று ஒரு கூட்டில் அடைத்துவிட்டு, நடந்த விஷயத்தை மனைவியிடம் சொல்லி அதை கறி சமைக்கச் சொன்னான். அவன் மனைவி தன் கணவனை திட்டினாள்.. உன்னைக் காப்பாற்றிய நாரையை கொல்லப்போகிறாயா என்று கோபமாகக் கேட்டாள். நாரையை விட்டால் நான் இறந்துவிடுவேன் என்று விவசாயி அலறினான்.. ஆனால் அவள் கேட்கவில்லை. கணவன் இறந்தாலும் காரியமில்லை என்று கூட்டைத் திறந்து நாரையை வெளியே பறக்க விட்டாள், நாரை மகிழ்வாக பறந்தது ஆனால் பறக்கும்போது அந்தப் பெண்ணின் இரண்டு கண்களையும் சொடக் சொடக்கென கொத்திக் குருடாக்கிவிட்டு பறந்தது. தன் உயிரைவிட நாரையின் உயிர் பெரிதென கருதிய குருட்டு மனைவியுடன் குடும்பம் நடத்த முடியாதென அவளை அடித்துக் கொன்றான் விவசாயி.. மனைவி இறக்க அவனுக்கு பாம்பின் விஷம் வேலை செய்தது.. துடிதுடித்து அவள் பக்கத்திலேயே இறந்தான். குடியானவன், மனைவி, பாம்பு, நாரை இந்த நால்வரிலும் யார் நல்லவர்கள்…? எல்லோருமே தான் தப்பினால் சரி என்று நினைப்பவர்கள்தான்.. ஆனால் அனைவருமே ஒருவருக்காக மற்றவர் வாழ்வதைப் போல வேடமிட்டார்கள். ஆனால் உண்மை அதுவல்ல.. இதுபோல நமக்கு விசுவாசமானவர்கள் நமக்காகவே வாழ்வதாக நினைப்போம் ஆனால் தருணம் வரும்போதுதான் உண்மை தெரியும், அதுவரை யாரையும் கண்டு பிடிக்க முடியாது. இப்படித்தான் நண்பர்களும் உங்களுக்குக் கீழ்ப்படிவாக இருப்பதாக வேடம் போடுவார்கள், நீங்கள் சொல்வதற்கு ஆமாம் போடுவார்கள், சந்தர்ப்பம் வரும்போது காட்டிக்கொடுக்கும் சுயநலமிகளாக மாறுவார்கள். எனவேதான் நண்பர்களை பதவியில் அமர்த்தாதீர்கள் தகுதியானவரை பதவியில் அமர்த்துங்கள் என்றான் நெப்போலியன். ஆனால் நண்பர்களும் உங்களுக்கு வேண்டும் நீங்கள் செய்த தவறுகளை யாருடைய தலையில் போடுவது அதற்கு ஒரு நண்பன் வேண்டும். இப்படி பல நண்பர்களுடைய தலைகள் வரலாற்றில் துண்டாடப்பட்டது, ஒரு நண்பன் போனால் என்ன செய்வது என்று நினைக்கிறீர்களா.. அந்த இடத்திற்கு வர இன்னொருவன் காத்திருப்பான். இதுதான் உலகம்.. மேலைத்தேய இராஜதந்திர சிந்தனைகள் இப்படித்தான் நகர்கின்றன.. நல்ல பழமொழிகளை அறிவது மட்டும் சரியானதல்ல மறு பக்கங்களையும் பார்ப்பது அவசியமானது. காலில் விழுந்துவிட்டால் விசுவாசம் வந்துவிடும் என்றோ.. தியாகிகளை போற்றுவோருக்கெல்லாம் தியாக மனம் இருக்கிறதென்றோ தப்புக் கணக்கு போட்டுவிடாதீர்கள்.. எல்லாமே பாம்புகளும் நாரைகளுமாக இருக்கலாம் எச்சரிக்கை

மேலும் படிக்கவும் மறுமொழி இல்லை சுதர்சன் 08-04-2016

மேலிடம் நிலையற்றது.

மேலிடம் நிலையானது என்று கருதி தறி கெட்டு நடந்துவிடாதீர்கள்.. காரணம் : உங்கள் மேலிடம் என்றோ ஒரு நாள் வீழ்ச்சியடையும், அப்போது நீங்கள் நட்டாற்றில் நிற்பீர்கள். உங்கள் மேலிடத்தை வீழ்த்த முடியுமானால் விரைவாக வீழ்த்துங்கள் இல்லையேல் நீங்கள் வீழ்த்தப்படுவீர்கள். மேலிடம் தலைமை என்று எதுவுமே கிடையாது உண்மையில் எல்லாமே சந்தர்ப்பம்தான்… யானை மாலை போட்டு ராணியானவளும் மேலிடம்தான்.. மன்னனுக்கு புதல்வனாக பிறந்த முட்டாளும் மன்னன்தான்.. பல முட்டாள்கள் வாக்களித்த இன்னொரு முட்டாளே பிரதமாராக இருப்பான்.. எப்பொழுதுமே உங்கள் மேலிடமே உங்களுக்கு ஆபத்தானது எச்சரிக்கை

மேலும் படிக்கவும் மறுமொழி இல்லை சுதர்சன் 24-03-2016

புத்திசாலி.

பதவியும் அதிகாரமும் அடைய விரும்புவோர் மேலிடத்தைக் காட்டிலும் தான் புத்திசாலி என்று ஒருபோதும் காட்டிக்கொள்ளக் கூடாது. மேலிடம் தன்னைவிட பத்தி குறைந்தவர்கள் அருகில் இருந்து ஆமா போடுவதையே அதிகம் விரும்பும்.. பின்னர் பல மேலிடங்கள் அழிந்து பரிநாசமாக போகவும் இதுவே காரணமாக இருந்துள்ளது.

மேலும் படிக்கவும் மறுமொழி இல்லை சுதர்சன் 21-03-2016

ஆன்மீகம்

எவ்வேளையில் எக்கடவுளை வணங்குவது?

சூரியோதயத்திற்கு முன் தூக்கத்திலிருந்து விழித்தெழுங்கள். அதிகாலைப்பொழுது கடவுளைத்தியானம் செய்ய ஏற்றவேளை. இவ்வேளையில் விபூதி தரித்துக்கொண்டு கடவுளை சிந்திப்பது மிகவும் நல்லது.   * விக்னங்கள், இடையூறுகள் நீங்க - விநாயகர்  * செல்வம் சேர - ஸ்ரீ மகாலட்சுமி, ஸ்ரீ நாராயணர் * நோய் தீர - ஸ்ரீ தன்வந்தரி, தட்சிணா மூர்த்தி * வீடும், நிலமும் பெற - ஸ்ரீ சுப்ரமண்யர், செவ்வாய் பகவான் * ஆயுள், ஆரோக்கியம் பெற - ருத்திரன் * மனவலிமை, உடல் வலிமை பெற - ராஜராஜேஸ்வரி, ஸ்ரீ ஆஞ்சநேயர் * கல்வியில் சிறந்து விளங்க - ஸ்ரீ சரஸ்வதி * திருமணம் நடைபெற - ஸ்ரீகாமாட்சி அம்மன், துர்க்கை * மாங்கல்யம் நிலைக்க - மங்கள கௌரி * புத்திர பாக்கியம் பெற - சந்தான கிருஷ்ணன், சந்தான லட்சுமி * தொழில் சிறந்து லாபம் பெற - திருப்பதி வெங்கிடாசலபதி * புதிய தொழில் துவங்க - ஸ்ரீகஜலட்சுமி * விவசாயம் தழைக்க - ஸ்ரீ தான்யலட்சுமி * உணவுக் கஷ்டம் நீங்க - ஸ்ரீ அன்னபூரணி * வழக்குகளில் வெற்றி பெற - விநாயகர் * சனி தோஷம் நீங்க - ஸ்ரீ ஐய்யப்பன், ஸ்ரீ ஆஞ்சநேயர் * பகைவர் தொல்லை நீங்க - திருச்செந்தூர் முருகன் * பில்லி, சூன்யம், செய்வினை அகல - ஸ்ரீ வீரமாகாளி, ஸ்ரீ நரசிம்மர் * அழியாச் செல்வம், ஞானம், சக்தி பெற - சிவஸ்துதி

மேலும் படிக்கவும் மறுமொழி இல்லை சுதர்சன் 26-05-2016

எம்மவர் அமைப்புகள்

மங்கள நிகழ்வுகள்

சமையல்

சாம்பார்த்தூள் செய்முறை.

சாம்பார்த்தூள் தேவை என்றாலே நாம் கடைக்குச்செல்வது வழக்கம். ஆனால் வீட்டிலேயே சுவையான சாம்பார் பொடி தயார் செய்யலாம் தெரியுமா? வாங்க எப்படி என்று பார்ப்போம்....   தேவையான பொருள்கள்:   துவரம் பருப்பு - 100 கிராம் கடலைப்பருப்பு - 50 கிராம் மிளகாய் வற்றல் - 1/4 கிலோ மஞ்சள் தூள் - 1/4 தேக்கரண்டி மல்லி (தனியா) - 1/2 கிலோ மிளகு - 20 கிராம் சீரகம் - 20 கிராம் வெந்தயம் - 5 கிராம் பெருங்காயத்தூள் - தேவைக்கேற்ப   செய்முறை:   மேலே குறிப்பிட்டுள்ள பொருட்களை ஒரு தட்டில் கொட்டி வெயிலில் காயவைத்து எடுத்து மிதமான தீயில் வறுத்து ஆற வைத்து மிக்ஸியில் அல்லது மிஷினில் கொடுத்து அரைத்து வத்து கொள்ளலாம். இதில் வாசனைக்காக கறிவேப்பிலை சேர்க்கலாம்.   இதோ சாம்பார் பொடி தயாராகி விட்டது. இந்த சாம்பார் பொடி போட்டு சாம்பார் செய்தால் ககவென்று மணக்கும். இதில் சாம்பார் வைக்கும் போது மணமாகவும், சுவையாகவும் இருக்கும்.   குறிப்பு:   சாம்பார் பொடி தயாரிக்கும் போது, வறுக்கும் பொருட்கள் கருகிவிடாமல் பார்த்து கொள்ளவேண்டும்.

மேலும் படிக்கவும் மறுமொழி இல்லை சுதர்சன் 07-04-2016

தக்காளியில் மீன் பொரியல்.

தேவையான பொருட்கள்:   தக்காளி - 4 மீன் - 1/4 கிலோ இஞ்சி, பூண்டு விழுது - 1 டீஸ்பூன் பொடித்த சோம்பு - 1 டீஸ்பூன் மிளகுத் தூள் - 1 டீஸ்பூன் மிளகாய்த் தூள் - 2 டீஸ்பூன் மஞ்சள் தூள் - 1/2 டீஸ்பூன் தனியா தூள் - 3 டீஸ்பூன் உப்பு - தேவையான அளவு   செய்முறை:   தக்காளியை மிக்ஸியில் இட்டு அரைத்துக் கொள்ளுங்கள். இந்த விழுதுடன் இஞ்சி பூண்டு விழுது, பொடித்த சோம்பு, மிளகுத்தூள், மிளகாய்த் தூள், மஞ்சள் தூள், தனியா தூள், உப்பு சேர்த்து கலந்து மீன் துண்டுகள் மீது தடவி, சிறிது நேரம் ஊறிய பிறகு எண்ணெயில் போட்டு பொரித்தெடுங்கள்.

மேலும் படிக்கவும் மறுமொழி இல்லை சுதர்சன் 23-03-2016

தக்காளியில் ஊறுகாய்.

தேவையான பொருட்கள்:   தக்காளி - 1/4 கிலோ காய்ந்த மிளகாய் - 2 மிளகாய்த் தூள் - 2 டீஸ்பூன் மஞ்சள் தூள் - 1/2 டீஸ்பூன் தனியா தூள் - 3 டீஸ்பூன் உப்பு - தேவையான அளவு எண்ணெய் - 1 குழிக்கரண்டி பெருங்காயம் - 1/2 டீஸ்பூன் கறிவேப்பிலை - 1 கொத்து   செய்முறை:   தக்காளியை வேகவைத்து நன்றாக மசித்துக் கொள்ளுங்கள். ஒரு வாணலியில் எண்ணெய் விட்டு காய்ந்ததும் கடுகு, காய்ந்த மிளகாய், கறிவேப்பிலை போட்டு தாளியுங்கள். பிறகு, இதில் மசித்த தக்காளியுடன், மஞ்சள் தூள், மிளகாய்த் தூள், தனியா தூள், உப்பு பெருங்காயம் போட்டு நன்றாக வதக்குங்கள்.   இந்தக் கலவை கொதித்து நன்றாக திக்காகி எண்ணெய் மிதந்து வரும் சமயத்தில் அடுப்பிலிருந்து இறக்குங்கள். இந்தக் தக்காளி ஊறுகாய் பத்து நாட்கள் வரை கெடாமல் இருக்கும்.

மேலும் படிக்கவும் 1 மறுமொழி சுதர்சன் 20-03-2016

மரண அறிவித்தல்

மரண அறிவித்தல்: பொன்னம்மா திருநாவுக்கரசு.

காலையடி தெற்கை பிறப்பிடமாகவும், காலையடியை வாழ்விடமாகவும் கொண்ட திருநாவுக்கரசு பொன்னம்மா அவர்கள் 20.05.2016 கொழும்பில் சிவபதம் எய்தினார்.அன்னார் சிவபதம் எய்திய தில்லையம்பலம் – தங்கம்மா தம்பதியினரின் அன்பு மகளும்;சிவபதம் எய்திய இராமநாதன் – செல்லாச்சி தம்பதியினரின் மூத்த மருமகளும்;அமரர் திருநாவுக்கரசு அவர்களின் ஆருயிர் மனைவியும்;சிவராமச்சந்திரன் (சிவபதம்), சிவபாலன்-கனடா, சிவமலர், சிவானந்தன் (சிவபதம்), சிவகலா, வசந்தமலர், சிவமலர், செல்வமலர் ஆகியோரின் பாசமிகு தாயாரும்,இராசகுரு, யோகேஸ்வரி, அம்பிகைபாகன், விக்கினேஸ்வரன், இரத்தினராசா, சிவமணி ஆகியோரின் அன்பு மாமியாருமாவார்இறுதிக் கிரியைகள்    இறுதிக்கிரியை கள் 23.05.2016 அன்று காலையடியில் நடைபெறும்    இவ் அறிவித்தலை உற்றார், உறவினர், ஊர் மக்கள், நண்பர்கள் அனைவரையும் ஏற்றுக் கொள்ளுமாறு வேண்டப்படுகின்றனர்   தகவல்: குடும்பத்தினர்   துயர் பகிர   சிவபாலன் (மகன்)- கனடா – 001-905-201-6131   இராசகுரு (மருமகன்) ஜேர்மனி: 0049-46116179   அம்பிகைபாகன் (மருமகன்) கொழும்பு: 0094-11-2542215   விக்கினேஸ்வரன் (மருமகன்) சுவிஸ்: 0041-319810649   இரத்தினராசா (மருமகன்) டென்மார்க்: 0045-74428927   அன்னாரின் ஆத்மா சாந்திபெற இறைவனை பிரார்த்திப்போமாக   ரத்தினராசா - டென்மார்க்.

மேலும் படிக்கவும் மறுமொழி இல்லை சுதர்சன் 25-05-2016

மரண அறிவித்தல்: கனகசபை லிங்கநாதன்.

மறைவு 13,05,2016                                                                                                                      தோற்றம் 10.08.1944   பணிப்புலம் பண்டத்தரிப்பை பிறப்பிடமாகவும் திருகோணமலையை வசிப்பிடமாகவும் கொண்ட திரு .கனகசபை லிங்கநாதன் அவர்கள் 13.05,2016 வெள்ளிக்கிழமை அன்று இறைவனடி சேர்ந்தார் . அன்னார் காலம் சென்ற கனகசபை தங்கம்மா தம்பதிகளின் அன்பு மகனும் துரைசிங்கம் தங்கம்மாவின் அன்பு மருமகனும் லலிதாவதியின் அன்புக்கணவரும் சத்தியசீலன் ( சுவிஸ்) , சத்தியரூபி ( டென்மார்க்) , சத்தியஅணுஸ்டா( ஜெர்மனி) ஆகியோரின் அன்பு தந்தையும் ஜெயக்குமார், உதயராஜ் அவர்களின் அன்பு மாமனாரும் தினுசா, தர்சிகா , சாருன்னியா, தாரிகா , செளசினின் அன்பு பேரனும் காலம் சென்ற பூலோகராசா ( இலங்கை) , காலம் சென்ற இலன்கேசுவரி (இலங்கை ), சுப்ரமணியம் ( இலங்கை) , தில்லைநாதன்( இலங்கை ) , வேல்முருகன் ( ஜெர்மனி ), சிவனேஸ்வரன் (ஜெர்மனி ), தவராசா (ஸ்வீடன்), நாகேசுவரி( ஜெர்மனி) ஆகியோரின் அன்பு சகோதரரும் ஆவார் இவ்வறிவித்தலை உற்றார் உறவினர் நண்பர்கள் அனைவரும் ஏற்று கொள்ளுமாறு கேட்டு கொள்ளுகின்றோம் … தகவல் . குடும்பத்தினர் கிரியைகள் பற்றிய விபரம் பின்னர் அறியத்தரப்படும் தொடர்புகளுக்கு சத்தியசீலன் ( மகன் ) 0041 79 932 20 62

மேலும் படிக்கவும் 2 மறுமொழிகள் சுதர்சன் 14-05-2016